RSS

Fragadassaimas

11 Enero 2010

DONA JULIA VIDAL BALSEIRO "SOCIA HONORÍFICA" DA AMMRR "FRAGA DAS SAÍMAS" +  

JULIA VIDAL BALSEIRO, NOMEADA SOCIA DE HONOR DA ASOCIACIÓN DE MULLERES RURAIS FRAGA DAS SAÍMAS NO SEU CEN ANIVERSARIO


 
A Directiva da AMMRR “Fraga das Saímas” ven de homenaxear a súa veciña Dona Julia Vidal Balseiro con motivo do seu 100 cumpreanos o pasado 7 de xaneiro.

 
A Asociación de Mulleres Rurais “Fraga das Saímas” outorgou o título de SOCIA DE HONOR desta entidade a súa veciña Dona Julia Vidal Balseiro no seu 100 cumpreanos como mostra de recoñecemento a 100 anos vividos coa dignidade e coraxe dunha muller valente que soubo enfrontarse ás dificultades da vida con dedicación, inxenio e alegría lo invisible das mulleres rurais” realizado ao longo da súa vida no campo e no ámbito familiar. e por contribuir a dignificar o “trabal
 

 
As membros da Directiva da Fraga das Saímas fixeron acto de entrega deste título a Dona Julia Vidal durante a celebración do seu aniversario,na que estivo rodeada dos seus netos, biznetas, nora, irmáns e sobriñas. Durante esta homenaxe a Presidenta aproveitou para transmitirlle a Dona Julia todo o cariño e consideración das mulleres da asociación.
 

 
Dona Julia recibíu este Título con gran ilusión e moi emocionada, agradecendo á Asociación “Fraga das Saímas” esta homenaxe que supón para min unha grande satisfación e que dalgún xeito contribúe a resaltar o papel que desenpeñamos as mulleres do campo, na estrutura social e económica do noso país.
 

27 Diciembre 2009

CELEBRACIÓN DO FESTIVAL DE NADAL-2009 +  

A ACTUACIÓN MAXISTRAL DOS VIOLINISTAS DA ORQUESTRA SOLISTAS DE GALICIA “MIJAIL MORIATOV” CAUTIVOU O CORAZÓN DO PÚBLICO ASISTENTE AO Iº CONCERTO DE NADAL “FRAGA DAS SAÍMAS”
 
O sábado 19 de decembro a Asociación de mulleres rurais “Fraga das Saímas” puxo como broche de ouro a súa programación anual-2009 a celebración do seu II Festival de Nadal-2009.

 
Esta IIª edición do Festival de Nadal-2009, que comezou a partir das 18:30 horas no Centro Socio-Cultural, tivo como acto central a celebración do Iº Concerto de Nadal “Fraga das Saímas” a cargo do Mestre Don Mijail Moriatov, un dos violinistas de maior proxección e prestixio residente no noso país, acompañado dun dos excelentes violinistas da súa Orquestra Solistas de Galicia. A actuación estelar destes dous virtuosos do violín e a maxia da súa música cautivaron o corazón dun público entregado e que asistíu con gran expectación, e por primeira vez nesta pequena parroquia, a este concerto de música clásica.
Mijail e Cláudio interpretaron durante a primeira parte do concerto pezas do seu último CD “Música Mundi”, deleitando a un auditório de máis de cen persoas con pezas tan coñecidas como o Ave Maria de Schubert, Danza Húngara nº 5 de J.Brahms, Tango “por unha cabeza” de C. Gardel. Durante a segunda parte deste recital musical, e mentras a temperatura no exterior seguía a baixar perigosamente, os asistentes deixábanse ir ao son da música popular rusa e galega: Ojos negros, Kalinka e Negra Sombra foron algúns dos fragmentos de pezas que os dous violinistas tocaron durante a segunda parte do concerto. E como non podía ser doutra forma nesta época tan especial os dous virtuosos do violín, e tras hora e media de actuación, despedíronse tocando panxoliñas tan clásicas como é a Noite de Paz.
Concluído este excepcional concerto, que tardarán en olvidar os veciños e convidados de San Andrés de Boimente, as máis de 100 persoas que decidiron compartir e festexar o peche e o comezo dun aninovo coa Asociación de MMRR e que se atreveron a saír das súas casas a pesar do temporal de frío e neve que envolveu todo o país foron recompensados cunha cea de confraternidade que comezou ás 21.00 h. e na cal se ofreceu un catering servido polo Mesón O Imperial.
Durante a cea a Presidenta da Asociación “Fraga das Saímas”, Flor Chao, aproveitou para felicitar, en nome da Directiva, as festas de Nadal e expresar os mellores desexos para o 2010 a todas as súas socias e á comunidade veciñal. Durante a súa intervención agradeceu o esforzo e traballo das membros da Directiva que en palabras da Presidenta sempre traballa en aras de poder satisfacer o interese das súas asociadas e veciños así como tamén sempre está a procura de máis e mellores iniciativas co fin de fomentar a participación veciñal e a promoción da nosa parroquia, e nesta liña quixeramos, se os ânimos non nos abandonan, continuar durante o ano 2010.
 
Durante os postres a directiva efectuou un sorteo gratuíto, entre as súas socias, de 50 agasallos, para a continuación e previa venda de boletos, proceder ao sorteo de tres espléndidas cestas navideñas. Nesta ocasión a diosa fortuna agasallou a Mônica Chao coa 1ª cesta e a Dolores Díaz e a Jesús Angel Chao coa 2ª e 3ª cesta respectivamente. Tampouco se olvidou a Directiva dos máis pequenos desta festa navideña posto que tamén recibiron o seu regalo de nadal.

 
Este evento rematou ás 2:00 da madrugada, onde os amantes do baile e da música disfrutaron coa actuación do Grupo Dúo Suso (As Pontes).

19 Noviembre 2009

II EDICIÓN DO MAGOSTO DA FRAGA DAS SAÍMAS "TOMA CASTAÑAS!" +  

A ACTRIZ PAULA CARBALLEIRA CAUTIVOU COA SÚA ACTUACIÓN E SIMPATÍA AOS ASISTENTES Á IIª EDICIÓN DO MAGOSTO “TOMA CASTAÑAS!” ORGANIZADA POLA ASOCIACIÓN DE MULLERES RURAIS “FRAGA DAS SAÍMAS”


 
O sábado, 14 de novembro a Asociación de mulleres rurais “Fraga das Saímas” celebrou con éxito a súa IIª Festa do Magosto Toma Castañas! . Esta segunda edición celebrouse no seu Centro Socio-Cultural de San Andrés de Boimente.

 
Este magosto da Fraga das Saímas comezou ás 18:30 horas co saúdo de benvida de Flor Chao, Presidenta da Asociación MMRR Fraga das Saímas .

 
A Presidenta agradeceu a presenza de todos os presentes e a participación de toda a comunidade veciñal nesta II edición do Magosto, destacando a homenaxe que nesta ocasión a directiva quixo facer ao Samaín coa decoración de cabazas para a celebración deste evento e que representa unha pequena mostra dunha antiquísima tradición transmitida polos antepasados celtas.

 
Feito o saúdo, a Presidenta deu paso á secretaria da asociación, a cal comezou a súa intervención asegurando que coa celebración do 2º Magosto da Fraga das Saímas e coa presencia de todos os convidados estábase a dar, entre todos, unha mostra colectiva do mellor facer da cultura de base a través da consolidación dun dos rituais sociais de maior tradición entre os maiores. Por outra banda, Gloria destacou quea directiva desta asociación espera potenciar pouco a pouco e cada ano máis esta singular, vella e rica costume dos magostos, porque desde a Asociación da Fraga das Saímas estase a traballar na recuperación das nosas tradicións, da nosa historia, en definitiva, das nosas raíces.
 
Rematada a intervención da secretaria, os asistentes puideron disfrutar coa actuación de Paula Carballeira (actriz, autora de diversas obras de teatro e libros infantiles, guionista, e excelente narradora de contos) que coas súas historias e simpatía arrancou risas e calurosos aplausos dun público totalmente entregado e onde as seguidoras e admiradoras da actriz aproveitaron a ocasión para fotografiarse xunto a ela.
 
Despois de hora e media de risas cos contos de Paula Carballeira os máis de cen veciños que acudiron a pasar esta tarde-noite de troula coas súas familias e amigos deron boa conta das Castañas asadas (o produto estrela), chourizos, lacón e outros produtos da tempada.
 
Xa entrada a noite nenos e maiores cantaron e bailaron ao son da música do Grupo Dúo Suso, cumprindo así cun dos rituais sagrados destas festas ancestrais. Esta celebración en homenaxe á filla do Castiñeiro e ás noites de Samaín rematou cando xa pasaba da media noite.

04 Noviembre 2009

CLAUSÚRANSE AS XORNADAS DE PROMOCIÓN DA SAÚDE DA MULLER 5  

A Directiva da asociación “Fraga das Saímas” aposta pola saúde e a mellora da calidade de vida das mulleres de San Andrés e as súas veciñas de Viveiro.

MÁIS DE VINTE MULLERES DE SAN ANDRÉS E VECIÑAS DE VIVEIRO PARTICIPARON NAS XORNADAS DA PROMOCIÓN DA SAÚDE DA MULLER, ORGANIZADAS POLA ASOCIACIÓN “FRAGA DAS SAÍMAS” DURANTE O MES DE OUTUBRO.

A Directiva da AMMRR “Fraga das Saímas” ven de clausurar un ciclo de charlas nas que se falou sobre a saúde sexual, a prevención do cancro de mama e útero e de como potenciar o noso corpo a través da actividade física. Estas xornadas celebráronse ao longo do mês de outubro no Centro Socio-Cultural de San Andrés de Boimente.

Nas xornadas “Potenciando o noso corpo” as mulleres que participaron nas mesmas non só aprenderon cales son os beneficios dunha actividade física diaria senón que o puxeron en práctica desenvolvendo unha serie de exercicios dinámicos aerobios, de baixa intensidade e de relaxación e comprobaron como este tipo de exercicios axudan a diminuir a tensión, a ansiedade e incluso a depresión. Ao final destas xornadas se lles entregou ás asistentes un CD con exercicios prácticos e técnicas de relaxación.

Durante as “Xornadas sobre a prevención de cancro de mama e útero” as doutoras Laura Quintás e Noelia explicáronlles as asistentes, entre outros, cales son os factores de risco e de protección deste tipo de cancros, como se pode previlos e en que consiste unha autoexploración mamaria, enseñándolles como se debe facer este tipo de exploracións. Unha vez rematada a exposición as asistentes participaron nun coloquio onde expuxeron as súas experiencias persoais e as súas dúbidas.

A última charla desta programación outonal tratou sobre a Saúde sexual. Nesta falóuselles ás asistentes sobre as verdades e mentiras dos mitos na sexualidade masculina e feminina, sobre a transmisión do VIH, sobre a violencia de xénero e tamén aprenderon as asistentes que para que a saúde sexual se logre e se manteña os dereitos sexuais de todas as persoas deben ser respectados, protexidos e exercidos a plenitude.

Síguenos en...

 Follow RuraisLAB on Twitter   

Inicio de sesión

RuraisLAB

Mulleres Rurais e desenvolvemento rural

RuraisLAB es un laboratorio ciudadano para la innovación social en el medio rural, basado en las necesidades e inquietudes de la mujer.

 

 

 

 

Mulleres Rurais e desenvolvemento rural

Mujer Rural

Mujer Rural y Desarrollo Rural

Agenda Digital Europea 20202

Agenda Digital Europea