RSS

Participación Ciudadana

24 Febreiro 2010

COMEZAN OS TRABALLOS DO PROXECTO "O ESPELLO DAS LEMBRANZAS" +  

Foto.1969A DIRECTIVA DA AMMRR “FRAGA DAS SAÍMAS” INICIA A RECOLLIDA DE FOTOGRAFÍAS ANTIGAS, COA COLABORACIÓN DA COMUNIDADE VECIÑAL DE SAN ANDRÉS DE BOIMENTE, PARA O PROXECTO “O ESPELLO DAS LEMBRANZAS”
 


 

A Directiva da AMMRR “Fraga das Saímas” puxo en marcha a semana pasada a primeira fase do proxecto “o espello das lembranzas”.

Este proxecto forma parte dunha serie de actuacións encamiñadas a preservar o patrimonio material e inmaterial da parroquia de San Andrés aprobadas na asemblea xeral anual da asociación e co cal se pretende recuperar a historia dos nosos maiores e manter vivo o recordo da xente da comunidade veciñal, así como reivindicar unha forma de vida e de sinal de identidade propias dun pasado duro, difícil pero tamén entrañable e irrepetible.

O proxecto que se vai desenvolver ao longo do ano 2010 e 2011 está dividido en catro fases:
- Recompilación das fotografías antigas (anteriores a 1980) entre as socias e veciños de San Andrés.
- Dixitalización das fotografias cedidas.
- Exposición das 50 fotografías máis representativas da historia dos veciños de San Andrés de Boimente.
- Deseño, maquetación e edición dun catálogo con todas as fotografías cedidas polas veciñas.

O Espello das Lembranzas é un proxecto dirixido a toda a comunidade veciñal, no que a Directiva está a traballar para lograr a colaboración e implicación de todas as socias e veciñas de San Andrés, principalmente na fase de recompilación e identificación das fotografias.

Este proxecto servirá asimesmo, en opinión da Directiva, como taller de memoria colectiva, dado que as veciñas e veciños non só terán que buscar fotografías senón que deben contar a súa historia, é dicir: nome das persoas que aparecen nas mesmas, data, lugar onde se ubica a instantánea, así como calquera outro detalle ou anécdota da que se lembren sobre esa fotografía

29 Xaneiro 2010

Actividade creativa para rapaces 2  

As/os nosas/os usuarios/as mais noviños, realizan tarefas creativas, o mesmo tempo que fomentan os xogos grupais en igualdade. Teñen horario de tarde, todos os venres.

25 Xaneiro 2010

ALFABETIZACION DIXITAL DE ADULTOS/AS 1  

 A pasada semana deu comezo un novo curso de Alfabetización dixital, no que un grupo de usuarias/os van a recibir formación para o emprego das farramentas de comunicación actuais. Dende FEMURO, animamos a toda a poboacion a iniciarse no manexo das novas tecnoloxias, cunha metodoloxia facil e adaptada.

21 Xaneiro 2010

Susana y Carmen hablan de Portas Abertas +  

 

19 Xaneiro 2010

Presentación da asociación Chorima +  

 

19 Xaneiro 2010

OS USUARIOS DA ESTRADA LU-161 SEGUEN CASTIGADOS A CIRCULAR NAS MESMAS CONDICIÓNS DE INSEGURIDADE DESDE HAI MÁIS DE 20ANOS 13  

FRAGA DAS SAÍMAS DENUNCIA QUE A CIRCULACIÓN POLA ESTRADA LU-161 CONTINUA A SER UN PERIGO PARA OS USUARIOS DESTE VIAL, AO SEU PASO POLA PARROQUIA DE SAN ANDRÉS DE BOIMENTE, A PESARES DAS ACTUACIÓNS POR IMPORTE DE 230.840 EUROS ACOMETIDAS POLO SERVIZO PROVINCIAL DE ESTRADAS DA CONSELLERÍA DE MEDIO AMBIENTE, TERRITORIO E INFRAESTRUTURAS.


A Directiva da Asociación “Fraga das Saímas” lamenta que os veciños de San Andrés de Boimente e demais usuarios da estrada LU-161 teñan que seguir a sofrir innecesariamente unha situación de perigo e risco, a pesares das recentes obras de parcheo feitas polo Servizo Provincial de Estradas. Á vista dos feitos, parece ser que usuarios da LU-161 seguimos “obrigados e castigados” a circular diariamente nas mesmas condicións de inseguridade que estamos a padecer desde hai máis de 20 anos.


Esta Directiva non entende que as actuacións acometidas a finais do ano 2009 pola Conselllería de Medio Ambiente, Territorio e Infraestruturas na estrada LU-161, incluídas do Plan de Medidas Urxentes contra a Crise e cun presuposto de 230.840 euros non contemplara a erradicación dos puntos negros existentes nesta estrada ao seu paso polas parroquias de San Andrés de Boimente e Chavín e soamente se limitaran á construcción de pequenos tramos de cunetas aplicando un criterio incomprensible, a parchear algún que outro tramo do firme (firme que por outra parte continua con baches) e a repintar o vial unicamente naqueles tramos nos que se parcheou a estrada.


A Directiva da Fraga das Saímas xa presentara unha solicitude ao Servizo Provincial de Estradas de Lugo no mês de xullo de 2009 ao obxecto de que esta administración levara a cabo a instalación de valados de dobre vionda e a sinalización adecuada naqueles puntos máis perigosos, ao seu paso polas parroquias de San Andrés de Boimente e Chavín. Esta mesma solicitude foi remitida novamente en dúas ocasións: vía fax no mês de setembro e vía Subdelegación de goberno no mês de outubro de 2009, despois de preguntar en varias ocasións, ao Servizo Provincial de Estradas de Lugo, pola situación desta petición da Asociación e a vista de que non obtiñan ningunha resposta concreta.


A Directiva da Fraga das Saímas manifesta a súa decepción e o seu malestar ante a falta de resposta oficial por parte da Dirección Xeral de Infraestruras, organismo responsable de ofrecernos aos usuarios desta estrada as mellores condicións posibles de seguranza viaria. Por outra banda, ten que agradecer que non houbera que lamentar ningún accidente mortal nesta estrada durante o terrible temporal de neve de fai dúas semanas, no que nos vimos obrigadas a circular “ao borde do abismo” por unha estrada cuberta de neve e xeo e unhas curvas imposibles que non contan con ningún tipo de sistema de contención.


A Directiva da Fraga das Saímas pide publicamente as autoridades locais do Concello de Viveiro que esixan e reclamen á Dirección Xeral de Infraestruras da Xunta de Galicia tomar medidas, sen máis demoras, que poñan fin ao estado lamentable deste vial pola cal circulamos diariamente as veciñas e veciños de Viveiro.

10 Xaneiro 2010

Nuestra historia +  

 

10 Xaneiro 2010

25 de Novembro +  

25NOV. Percorrido silencioso polas rúas de Verín, levando unha pancarta ata a praza maior da vila, ónde se pasou á concentración Contra a Violencia de Xénero. No centro da praza procedeuse á lectura dun manifesto e finalmente levouse a cabo o acto simbólico da partida contra a Violencia de Xénero nun taboleiro xigante.

26NOV. Ciclo de curtametraxes: "Ollando dende a igualdade". Curtometraxes sobre a desigualdade e distintos tipos de violencia que sofre a muller: "Pais e nais" dirixida por Marisa Crespo e Moisés Romera, "Nasija" de Guillermo Riso, "Water Closed", producido por Fundación de Mulleres. Ademáis proxectouse creada e realizada polas/os alumnas/os do curso de Monitor Sociocultural baixo o título: "Deixando atrás a violencia"

28NOV. Marcha polo bo trato. Ruta circular: Pozo do Demo ata Fonte do Sapo, en contra da violencia de xénero. Actividade impulsada polo Centro de Información á Muller de Verín.

06 Xaneiro 2010

Escenificación do Belén vivente na Cabalgata de Mos 2  

A asociación Val da Louriña de Mos volveu a representar o presebre vivente na Cabalgata que se organiza no Concello. Logo de 2 anos sen facelo, esta vez incorporamos novos elementos na escenificación.

A representación contaba ( ademais dos imprescindibles San Xosé, a Virxe e o neno) cunha lavandeira, tres pastoras adultas e seis pastorciños. Como novidade incluímos dúas galiñas e un galo de Mos.

 Os Reis axeonllados diante do neno.

Aproveitamos para desexarvos a todas FELIZ ANO 2010!!!

Se queredes contactar con nós valdalourinha@gmail.com

07 Decembro 2009

O campanario, su historia 1  

  La Asociación de Mulleres Rurais "O Campanario" comenzó su andadura    en diciembre de 1993. Es una asociación sin ánimo de lucro y cuyo fin principal es el de facilitar a las socias un punto de encuentro y reunión, a la vez que reciben información sobre temas que puedan ser interesantes para su desarrollo, tanto intelectual como de cualquier otra índole.

En este sentido, se realizan viajes culturales y se imparten distintos tipos de cursos, como, corte y confección, bordado a mano, bolillos, pintura al óleo, yoga, gimnasia de mantenimiento, rutas de senderismo, cocina y todo tipo de manualidades. Se imparten también ciclos de conferencias sobre temas de salud, belleza, congelación y otros.
    Así mismo la Asociación participa en la organización de la Cabalgata de Reyes, en la Fiesta del Momo(Carnaval), alfombras florales(Corpus Cristi); y en todos aquellos eventos organizados desde el ayuntamiento y que requieran nuestra    presencia.

 


29 Novembro 2009

Manualidades y Feria en Vilanova los días 18,19 y 20 de Diciembre 1  

Aquí nuestra asociación está realizando estos trabajos para ponerlos en venta para Navidad. Esto se llevará a cabo en el pabellón de Vilanova en las fechas de 18, 19 y 20 de diciembre. Desde ahora quedan invitadas todas las asociaciones y personas que entren a nuestro blog.

 

¡ Os esperamos los días 18, 19 y 20 en la feria que se realizará en el pabellón de Vilanova !

23 Novembro 2009

MOVE FICHA CONTRA A VIOLENCIA DE XÉNERO +  

 

21 Novembro 2009

MOVE FICHA CONTRA A VIOLENCIA DE XÉNERO +  

19 Novembro 2009

II EDICIÓN DO MAGOSTO DA FRAGA DAS SAÍMAS "TOMA CASTAÑAS!" 1  

A ACTRIZ PAULA CARBALLEIRA CAUTIVOU COA SÚA ACTUACIÓN E SIMPATÍA AOS ASISTENTES Á IIª EDICIÓN DO MAGOSTO “TOMA CASTAÑAS!” ORGANIZADA POLA ASOCIACIÓN DE MULLERES RURAIS “FRAGA DAS SAÍMAS”


 
O sábado, 14 de novembro a Asociación de mulleres rurais “Fraga das Saímas” celebrou con éxito a súa IIª Festa do Magosto Toma Castañas! . Esta segunda edición celebrouse no seu Centro Socio-Cultural de San Andrés de Boimente.

 
Este magosto da Fraga das Saímas comezou ás 18:30 horas co saúdo de benvida de Flor Chao, Presidenta da Asociación MMRR Fraga das Saímas .

 
A Presidenta agradeceu a presenza de todos os presentes e a participación de toda a comunidade veciñal nesta II edición do Magosto, destacando a homenaxe que nesta ocasión a directiva quixo facer ao Samaín coa decoración de cabazas para a celebración deste evento e que representa unha pequena mostra dunha antiquísima tradición transmitida polos antepasados celtas.

 
Feito o saúdo, a Presidenta deu paso á secretaria da asociación, a cal comezou a súa intervención asegurando que coa celebración do 2º Magosto da Fraga das Saímas e coa presencia de todos os convidados estábase a dar, entre todos, unha mostra colectiva do mellor facer da cultura de base a través da consolidación dun dos rituais sociais de maior tradición entre os maiores. Por outra banda, Gloria destacou quea directiva desta asociación espera potenciar pouco a pouco e cada ano máis esta singular, vella e rica costume dos magostos, porque desde a Asociación da Fraga das Saímas estase a traballar na recuperación das nosas tradicións, da nosa historia, en definitiva, das nosas raíces.
 
Rematada a intervención da secretaria, os asistentes puideron disfrutar coa actuación de Paula Carballeira (actriz, autora de diversas obras de teatro e libros infantiles, guionista, e excelente narradora de contos) que coas súas historias e simpatía arrancou risas e calurosos aplausos dun público totalmente entregado e onde as seguidoras e admiradoras da actriz aproveitaron a ocasión para fotografiarse xunto a ela.
 
Despois de hora e media de risas cos contos de Paula Carballeira os máis de cen veciños que acudiron a pasar esta tarde-noite de troula coas súas familias e amigos deron boa conta das Castañas asadas (o produto estrela), chourizos, lacón e outros produtos da tempada.
 
Xa entrada a noite nenos e maiores cantaron e bailaron ao son da música do Grupo Dúo Suso, cumprindo así cun dos rituais sagrados destas festas ancestrais. Esta celebración en homenaxe á filla do Castiñeiro e ás noites de Samaín rematou cando xa pasaba da media noite.

Síganos en...

 Follow RuraisLAB on Twitter   

Iniciar sesión

RuraisLAB Galego

Mulleres Rurais e desenvolvemento rural

RuraisLAB é un laboratorio ciudadán para a innovación social no medio rural, baseado nas necesidades e inquietudes da muller.

 

 

 

 

Mulleres Rurais e desenvolvemento rural

Mujer Rural

Mujer Rural y Desarrollo Rural

Axenda Dixital Europea 20202

Axenda Dixital Europea